बिर्तामोड । झापाको बिर्तामोडमा रहेको सुविधा सम्पन्न बीएण्डसी अस्पतालले असार १ गतेबाट नियमित रुपमा ओपीडी सेवा सुरु गर्ने भएको छ ।

कोरोना महामारीका कारण संक्रमण उच्च हुँदा लगाईएको निषेधाज्ञाले यस अघि ओपीडी सेवा नियमित नभएकोमा अब असार १ अर्थात मंगलबारबाट नियमित पूर्ववत अवस्थामानै सञ्चालन हुने अस्पतालले जनाएको छ ।

सोमबार अस्पतालका जनसम्पर्क व्यवस्थापक प्रमिश गिरीले एक प्रेस विज्ञप्ति प्रकाशित गर्दै उक्त कुराको जानकारी दिएका हुन् ।