२४ जेठ २०८२, शुक्रबार
Lite Nepal
विराटनगर । प्रदेश १ का आर्थिक मामिला तथा योजनामन्त्री टंक आङ्बुहाङले विहान ११ बजे पत्रकार सम्मेलन गर्दैछन् ।
बजेट ल्याएको भोलिपल्टै उनले आफ्नै मन्त्रालयमा पत्रकार सम्मेलन गर्न लागेका हुन् ।
बजेटको प्राथमिकता र कार्यान्वयनका विषयमा जानकारी दिन उनले पत्रकार सममेलन गर्न लागेको उनको सचिवालयले जनाएको छ ।
प्रदेश १ ले चालु आर्थिक वर्षको तुलनामा बजेट घटाएर ल्याएको छ ।
राजस्व स्रोतको सुनिस्चितता नभएकाले प्रदेश १ सरकारले आर्थिक वर्ष २०७८÷०७९ का लागि बजेटको आकार घटाएर ल्याएको हो ।
गतवर्ष ४० अर्ब ८९ करोडको बजेट ल्याएको प्रदेश १ ले यसपटक ८ अर्ब ४३ करोड कम बजेट ल्याएको छ ।
ठूलो आकारको बजेट ल्याउँदा चालु आर्थिक वर्षमा प्रदेश सरकारलाई स्रोत जुटाउन समस्या भएको थियो ।
मंगलबार प्रदेश १ सभामा आर्थिक वर्ष २०७८÷०७९ को बजेट प्रस्तुत गर्दै आर्थिक मामिला तथा योजनामन्त्री टंक आङ्बुहाङले आगामी आर्थिक वर्षका लागि सरकारले ३२ अर्ब ४६ करोड ९२ लाखको बजेट ल्याएको जानकारी दिए ।
१.
२.
३.
