विराटनगर । भदौ १ गतेदेखि विराटनगर विमानस्थल सञ्चालनमा आउने भएको छ ।

सञ्चालनको लागि सबै तयारी पूरा भएको विराटनगर विमानस्थल नागरिक उड्डयन कार्यालयले जनाएको छ ।

यात्रु प्रस्थान, आगमन, कर्मचारी व्यवस्थापन, सुरक्षाकर्मी सबैका लागि तयारी पूरा भएको कार्यालयका प्रमुख टेकनाथ सिटौलाले जनाए ।

सिटौलाका अनुसार अर्को निर्णय नभए आगामी भदौ १ गतेदेखि आन्तरिक हवाइ सेवा सुरु गर्ने सबै तयारी गरिएको छ ।

विमानस्थलको निर्मलीकरण देखि भौतिक दूरी कायम गर्ने सम्मका कामहरू व्यवस्थापन गरिएका छन् ।

विराटनगरमा भदौ १ देखि बुद्ध एयरले २, यतिले २, श्रीले २ र सौर्य एयरलाइन्सले १ गरी दैनिक ७ वडा उडान गर्ने सिटौलाले जानकारी दिए ।