विराटनगर । मोटरसाइकलको ठक्करबाट विराटनगरमा एक महिलाको मृत्यू भएको छ ।

शनिबार को ७ प ५३३१ नम्बरको मोटरसाइकलले ठक्कर दिँदा घाईते भएकी विराटनगर महानगरपालिका–१३ की ४० वर्षीया मीरा ठाकुरको आईतबार मृत्यु भएको हो ।

मोरङ ट्राफिक प्रमुख प्रहरी निरीक्षक राकेश पोदारका अनुसार ठाकुरलाई विराटनगर–१० शान्ति चोकमा मोटरसाइकलले ठक्कर दिएको थियो ।

उनको उपचारका क्रममा न्युरो अस्पतालमा आइतबार बिहान ६ बजे मृत्यु भएको पोदारले जानकारी दिए ।

मोटरसाइकल चालक विराटनगर–८ का १९ वर्षीय जीयालाल राजवंशीलाई प्रहरीले नियन्त्रणमा लिएको छ ।